„КОГА МОЌТА НА ЉУБОВТА ЌЕ ЈА ЗАМЕНИ ЉУБОВТА ЗА МОЌ, ЧОВЕКОТ ЌЕ ИМА НОВО ИМЕ: БОГ." - ШРИ ЧИНМОЈ

Подигнување тежини

„Сите ние сме навистина неограничени, само доколку се осмелиме да пробаме и доколку имаме верба.“ – Шри Чинмој

Од 1985 година, на возраст од 54 години, па се до неколку месеци пред неговото заминување од овој свет во октомври 2007 година, Шри Чинмој се оддаде на патување за подигнување тежини што ја пленеше имагинацијата на публиката преку подигнување автомобили, авиони, слонови, бродови, дрва и статуи, оддавајќи им почит на луѓето за нивното инспиративно служење преку подигнување на нивното тело и дух. Шри Чинмој во неговото подигнување тежини виде можност да даде демонстрација дека ништо не е невозможно кога ќе се стават на страна ограничувањата на умот:
„Се трудам да бидам од некаква внатрешна служба на луѓето што сакаат да одат еден чекор напред. Не мора да подигнат 1 000 кг, но можеби ќе ја видат инспирацијата што им ја нудам и ќе направат напор да направат нешто во нивните животи за што претходно мислеле дека е премногу тешко или невозможно. На било кое поле може да добијат инспирација да направат нешто подобро од тоа што го правеле.“

Многу од неговите подигнувања беа проследени на телевизија и во весници низ САД и низ светот. На прашања на новинарите, Шри Чинмој ја препишуваше неговата моќ за подигнување на внатрешната сила добиена преку медитација и молитва.
„Како индивидуа јас сум ништо и не можам да направам ништо. Се што сум постигнал го препишувам 100 процентно на Божја Милост...кога се молам и медитирам чувствувам дека некој друг ми помага, додека обичен човек чувствува дека може да се потпре само на себе. Кога подигнува тој мисли дека тој сам го прави тоа. Вежбал многу години и ја развил својата сила и чувствува дека се зависи од неговата физичка сила. Но во мојот случај, чувствувам дека сум само инструмент. Постои друга сила што доаѓа да ми помогне. Таа сила ја нарекувам Божја Милост.“

Подвизите на Шри Чинмој за подигнување тежини беа сведочени од многу професионални кревачи на тегови и бодибилдери, што забележаа колку многу тежина беше способен да подигне и покрај тоа што не беше посебно мускулест. Бил Перл, 5-кратен победник на „Мистер Универзум“ и изгласан за „Најдобро граден човек на 20-тиот век“, рече за подигнувањето на Шри Чинмој:
„Од Шри Чинмој научив дека големината на раката не го прави човекот, големината на срцето го прави човекот. Никој на земјата не го направил тоа што го направи Шри Чинмој.“

Низ многуте години од неговата кариера на подигнување тежина, Бил Перл беше најголемиот поддржувач на Шри Чинмој, од давајќи непроценливи совети до водење на церемониите за подигнување тежини на Шри Чинмој. Исто така и други великани во подигнување тежини и во бодибилдинг ја препознаа невообичаената природа на постигнувањата на Шри Чинмој и му дадоа огромна поддршка. Френк Зен, 3-кратен „Мистер Олимпија“ и 3-кратен „Мистер Универзум“ ја даде следната почит по преминувањето на Шри Чинмој:
„Тој го даде својот живот за да го подигне светот буквално и метафорично. Неговата посветеност и ентузијазам за неговото подигнување беше заразна – последниот пат кога зборувавме бев обземен на негово изненадување за неговото подигнување, секогаш работејќи да се подигне повеќе и повеќе низ годините. Ме направи да посакам да тренирам уште повеќе.“

3-кратен светски шампион во тешка категорија, Мухамед Али го кажа следното за подигнувањето на Шри Чинмој:
„Шри Чинмој е многу духовен човек. Чувствувам дека причината поради која Шри Чинмој ја подигна оваа тежина е неговата љубов за Бог и верувањето дека преку Бог сите нешта се возможни. Овој човек го направи невозможното поради верба, мудрост и љубов за Бог. Преку Бог можеме да направиме се и Тој ни дозволува да достигнеме далеку над човечките напори. Може да чувствуваме дека не можеме да продолжиме понатаму, но бидејќи наоѓаме внатрешна верба ние продолжуваме. Телото вели „стоп“, но духот плаче „никогаш“. Не постои запирање во кодот на борецот.“

Погледнете го документарниот филм од 2011 година што хронолошки ја прикажува одисејата на подигнување тежини на духовниот учител Шри Чинмој.